సంగారెడ్డి జిల్లా పటాన్ చెరు నియోజకవర్గం అమీనుపూర్ మున్సిపల్ పరిధిలోని బీరంగూడ గుట్ట పైన 15.51 కోట్ల రూపాయలతో నాలుగు మిలియన్ లీటర్ల సామర్థ్యంతో నిర్మించిన రిజర్వాయర్, పీజేఆర్ కాలనీ, మాధవపురి హిల్స్ కాలనీలో 5.88 కోట్ల రూపాయల అంచనా వ్యయంతో రెండు మిలియన్ లీటర్ల సామర్థ్యంతో నిర్మించిన భారీ రిజర్వాయర్లను పటాన్ చెరు శాసనసభ్యులు శ్రీ గూడెం మహిపాల్ రెడ్డి గారు ప్రారంభించారు. ఈ కార్యక్రమంలో స్థానిక మున్సిపల్ చైర్మన్ తుమ్మల పాండురంగా రెడ్డి, ప్రజా ప్రతినిధులు, వివిధ శాఖల అధికారులు హాజరయ్యారు. ఎన్నికల షెడ్యూల్ విడుదలకు ముందే వీటిని ప్రారంభించారు.
