ఇంద్రధనుస్సు ప్రతినిధి: కొన్ని సంవత్సరాల క్రితం హైదరాబాద్ జింఖానా మైదానంలో వరద బాధితులకోసం ఒక ప్రఖ్యాత క్రికెటర్ ఇచ్చిన “బ్యాట్ “వేలం జరుగుతోంది ….. సినీపరిశ్రమలోని మహామహులంతా ఆ వేలం పాటకు విచ్చేశారు… బ్యాట్ వేలం పాట మొదలైంది…….సినీ హీరోలు పాట పాడటం ప్రారంభించారు. అంతా వేలల్లోనే పాడుతున్నారు……అతి కష్టం మీద 1.5 లక్షలకు చేరుకుంది పాట.. నిర్వహకులకు నిరాశ. అంతలో తెల్లని ఫ్యాంట్, షర్ట్ ధరించి, మాసిన గడ్డం, చేతిలో గుడ్డ సంచితో వచ్చాడొక వ్యక్తి.. వస్తూనే నా పాట రూ.8,50000 (ఎనిమిది లక్షలా యాభైవేలు) అంటూ అరిచాడు. అందరూ నిర్ఘాంతపోయారు. అగ్ర హీరోలకు సహితం నోట మాట రాలేదు.. నిర్వాహకులు ఆనందంగా ఆయన పాటను ఫైనలైజ్ చేశారు.
తన వెంట తెచ్చుకున్న గుడ్డ సంచిలోని డబ్బునంతా టేబుల్ మీద పోసి బ్యాట్ తీసుకొని దానిని ముద్దు పెట్టుకొని మళ్ళీ దానిని ఒక అనాధ శరణాలయానికి ఇచ్చేశాడు. నా దగ్గర అంత డబ్బేవుంది.. లేకుంటే అంతకంటే ఎక్కువే పెట్టిపాడుదును అని నవ్వుతూ చేప్పాడా వ్యక్తి…. అతనే విప్లవ సినిమాల హీరో ఆర్.నారాయణమూర్తి గారు. పీపుల్స్ స్టార్ …….. దాదాపు 25 సినిమాలు తీసినా.. ఈ రోజుకీ సొంత ఇల్లులేని నటుడు.. కేవలం ఒక చాప, దిండు అతని ఆస్థి, తను సంపాదించినదంతా పేదలకే పంచాడు. ఎక్కడ తను పెళ్ళిచేసుకుంటే సమాజ సేవకు ఆటంకమవుతుందో అని పెళ్ళి చేసుకోకుండానే బ్రహ్మచారిగా మిగిలిపోయాడు. హీరోలంటే ఆరడగులు, అందమైన ముఖం, కండలు తీరిన శరీరం కాదు…అందమైన మనసున్న … నారాయణమూర్తి గారే అతిగొప్ప హీరో!!!