రాష్ట్రంలో రానున్నది కాంగ్రెస్ ప్రభుత్వమేనని పటాన్ చెరు నియోజకవర్గ కాంగ్రెస్ పార్టీ ఇంఛార్జి కాట శ్రీనివాస్ గౌడ్ గారు ధీమా వ్యక్తం చేశారు. మంగళవారం జిన్నారం మండలం అండూరు గ్రామంలో ఏర్పాటు చేసిన సభలో కాంగ్రెస్ 6 గ్యారంటీలను వివరించారు. ఈ సందర్భంగా గ్రామ మహిళలు హారతులు ఇచ్చి ఘన స్వాగతం పలికారు. ఈ సందర్భంగా కాట శ్రీనివాస్ గౌడ్ మాట్లాడుతూ ప్రజలకు మంచి రోజులు దగ్గరలోనే ఉన్నాయని వ్యాఖ్యానించారు. బీ ఆర్ ఎస్ ప్రభుత్వం ఇచ్చిన హామీలను నెరవేర్చకుండా ప్రజలను తీవ్ర ఇబ్బందులకు గురి చేసిందన్నారు. గ్రామాలలో ప్రజా సమస్యలు విలయతాండవం చేస్తున్నాయని తెలిపారు. కనీసం 10 ఏళ్లలో నిరుపేదలకు ఒక్క రేషన్ కార్డు కూడా ఇవ్వని దయనీయ పరిస్థితి నెలకొంది అన్నారు. డబుల్ బెడ్ రూమ్ పేరుతో ప్రజలను వంచించి, కాంగ్రెస్ ప్రభుత్వం ఇచ్చిన ఇళ్ల స్థలాలు ఇందిరమ్మ ఇల్లే కనిపిస్తున్నాయని తెలిపారు. రాబోయే ఎన్నికల్లో కాంగ్రెస్ పార్టీకి ఓటు వేసి గెలిపిస్తే పేద ప్రజలకు ఆరోగ్య శ్రీ ద్వారా 5 లక్షల రూపాయల వరకు ఉచిత వైద్యము, రైతులకు ఏక కాలంలో రెండు లక్షల రూపాయల రైతు రుణమాఫి, 500 రూపాయలకు గ్యాస్, రేషన్ ద్వారా నిత్యావసర వస్తువుల పంపిణీ, సొంత ఇంటి నిర్మాణం కోసం 5 లక్షల ఆర్థిక సహాయం, నిరుద్యోగులకు 2 లక్షల ఉద్యోగాలు, రైతు కూలీలకు మరియు భూమి లేని రైతులకు సైతం రైతు భీమా పథకం, ప్రజల సంక్షేమం కోసం అందించే పథకాలను వివరించారు.
ఈ కార్యక్రమంలో సంగారెడ్డి జిల్లా మహిళా కాంగ్రెస్ అధ్యక్షురాలు కాట సుధా శ్రీనివాస్ గౌడ్, పీసీసీ సభ్యుడు కొత్తపల్లి శ్రీనివాస్ రెడ్డి, ఎంపీపీ రవీందర్, వైస్ ఎంపీపీ గంగు రమేష్, మండల్ ప్రెసిడెంట్స్ వడ్డె క్రిష్ణ, నర్సింగ్ రావు, సుధాకర్ గౌడ్, ఎంపీటీసీలు నాగేందర్ గౌడ్, గోవర్ధన్ గౌడ్, ప్రతాప్ రెడ్డి, వైస్ ప్రెసిడెంట్ రాజు గౌడ్, జనరల్ సెక్రటరీలు సత్యనారాయణ, లక్ష్మణ్, క్రిష్ణ రెడ్డి, సంగారెడ్డి జిల్లా మైనారిటీ ప్రెసిడెంట్ హబీబ్ జానీ, సంగారెడ్డి జిల్లా INTUC ప్రెసిడెంట్ నరసింహ రెడ్డి, సంగారెడ్డి జిల్లా వర్కింగ్ ప్రెసిడెంట్ శ్యామ్ రావు, సంగారెడ్డి జిల్లా కన్వినర్ వాజీద్, మాజీ ప్రెసిడెంట్ వీరారెడ్డి, మున్సిపాలిటీ ప్రెసిడెంట్ జైపాల్ రెడ్డి, మున్సిపాలిటీ వర్కింగ్ ప్రెసిడెంట్, అసెంబ్లీ ఎస్ సి సెల్ ప్రెసిడెంట్ మహేష్, యూత్ కాంగ్రెస్ వర్కింగ్ ప్రెసిడెంట్ నరేష్, జిన్నారం ఎస్ సి సెల్ ప్రెసిడెంట్ సాయిలు, యూత్ కాంగ్రెస్ ప్రెసిడెంట్ నరేందర్, మైనారిటీ ప్రెసిడెంట్ సాజీద్, జయశంకర్ గౌడ్, భాస్కర్ రెడ్డి, గ్రామ అధ్యక్షుడు పర్వతాలు యాదవ్, ఉప సర్పంచ్ లు రమేష్, రవి, రవి గౌడ్, వార్డ్ మెంబెర్స్ శ్యామ్ సుందర్, దుర్గేష్, నాయకులు రాజు గోపాల్ రెడ్డి, సత్యనారాయణ, శ్రీనివాస్ చారీ, మల్లేశం, శ్రీశైలం, రవి, కాంగ్రెస్ పార్టీ నాయకలు, కార్యకర్తలు, కె ఎస్ జి యువసేన సభ్యులు పాల్గొన్నారు.
