పటాన్ చెరు నియోజక వర్గం పరిధిలోని తెల్లాపూర్ మున్సిపాలిటీ ఈదులనాగులపల్లి గ్రామం నుండి జనరల్ సెక్రటరీ రమేష్ గారి ఆధ్వర్యంలో పటాన్ చెరు నియోజకవర్గం కాంగ్రెస్ పార్టీ ఇంచార్జి శ్రీ కాటా శ్రీనివాస్ గౌడ్ గారి చేతుల మీదుగా పార్టీ కండువా కప్పుకొని బీ.ఆర్.ఎస్ మరియు బీజేపీ పార్టీల నుండి 25 మంది యువకులు కాంగ్రెస్ పార్టీలో చేరారు. ఈ సందర్భంగా మాట్లాడుతూ కేంద్ర రాష్ట్ర ప్రభుత్వాలు ప్రజా సంక్షేమాన్ని విస్మరించాయని, ప్రజల్లో స్పష్టమైన మార్పు వచ్చిందని, రానున్న ఎన్నికల్లో బీఆర్ఎస్, బిజెపి పార్టీలకు ప్రజలు తమ ఓటు ద్వారా తగిన బుద్ధి చెబుతారని అన్నారు. కాంగ్రెస్ ప్రభుత్వాల హయాంలోనే అన్ని వర్గాల ప్రజలకి న్యాయం జరుగుతుందన్నారు. రానున్న ఎన్నికల్లో గెలుపే ధ్యేయంగా పనిచేద్దామని పిలుపునిచ్చారు. ఈ కార్యక్రమంలో మున్సిపాలిటీ ప్రెసిడెంట్ సి ప్రభాకర్, ఎస్ ఆంజనేయులు, శ్రీనివాస్, గోపాల్, మల్లయ్య, శంకర్, ఆంజనేయులు, దిలీప్, నితిన్, రోహిత్ తదితరులు పాల్గొన్నారు.